Тұтынушылардың құқықтарын қорғау.

Бұдан басқа, Департамент «Тұтынушылардың құқықтарын қорғау туралы» ҚР Заңына сәйкес келесі бұзушылықтар бойынша мемлекеттік бақылау функцияларын жүзеге асыратынын хабарлаймыз:

1) сатушының (дайындаушының, орындаушының), тұтынушылардың құқықтарын қорғау саласындағы уәкілетті органның және тұтынушылық дауларды сотқа дейінгі реттеу субъектілерінің байланыс деректері туралы ақпаратты, сондай-ақ өзінің бұзылған құқықтары мен заңды мүдделерін қалпына келтіру үшін тұтынушының оларға жүгіну құқығы туралы ақпаратты қазақ және орыс тілдерінде орналастыру;

2) тиісті сападағы да, тиісті емес сападағы да тауарды айырбастауды немесе қайтаруды қамтамасыз ету;

3) белгіленген мерзімде тұтынушының құқықтары мен заңды мүдделерін бұзушылықтарды жою туралы наразылыққа жазбаша жауап ұсыну.

Сонымен қатар, сатушының жоғарыда көрсетілген ақпаратты тұтынушылар үшін қазақ және орыс тілдерінде орналастыру бойынша міндеттерін орындамағаны үшін, сондай-ақ 2,3-тармақтарды бұзғаны үшін әкімшілік жауапкершілік қарастырылғанын хабарлаймыз (Әкімшілік құқық бұзушылық туралы кодекстің 190-бабының 5, 6-бөліктері).